نكت اخر حاااااااجه هتمووووووووت من الضحك

من طرف **Admin** الإثنين يوليو 11, 2011 9:26 pm

مرة واحد ماشى مع خطيبته وآخر انسجام فقالها "عارفة ايه هو الحب وايه الجواز؟" قالته "لا"

قالها: "الحب زى النجوم الجميلة اللى فى السماء .

قالتله"طب والجواز؟"

قالها:"دى البلاعة اللى واحنا بنبص على النجوم بنقع فيها.."

*********************************************************

واحد متجوز وقاعد في البيت وبيبص كتير في عقد الزواج،

مراته قالت له: "بتبص في عقد الزواج ليه يا حبيبي؟"

قالها: "بأبحث عن تاريخ إنتهاء العقد.

*********************************************************

واحد نشر في إعلانات مبوبة :مطلوب زوجة!!!

تاني يوم جاله 100 جواب فيهم نفس الرد : تاخد بتاعتي؟؟

*********************************************************

واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرررررخ!!!

الزوج: "فيه ايه يا بنت الحلال؟ ليه كدا ؟؟؟"

الزوجة : "ايه الورقه اللي في جيب بدلتك ومكتوب عليها "سوسو"؟؟"

الزوج: "يا بنت الحلال، ده اسم الحصان اللى بنشجعه في السباق!"

الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان،

وفجأة جت مراته وضربته بغطا الحلة على راسه !!

الزوج: "خير يابنت الحلال في ايه تاني؟؟"

الزوجه:"حصانك على التليفون

*********************************************************
نساء العالم اتحدن وقررن أن لا يقومو بأى أعمال في المنزل وبعد أسبوع تجمعوا ليعرفوا نتائج إلاضراب ..

فقالت الزوجة الفرنسية "أنا قلت لجوزى ميشيل أنا مش هعمل حاجة فى البيت الاسبوع دة كلة" وقالت "أول يوم

ماشوفتش حاجة تانى يوم ماشوفتش حاجة تالت يوم بدا يغسل ويمسح" وقالى "انتى بتتعبى اوى ياحبيبتى".

وقالت الزوجة الانجليزية "أنا قلت لجوزى أنا مش هعمل حاجة خالص فى البيت الاسبوع ده .. أول يوم مشوفتش

حاجة تانى يوم بدا يعمل الاكل تالت يوم عشانى وغدانى برة."

جت المصرية وقالت "أنا قلت لأبو العيال أنا مش هعمل حاجة فى البيت الأسبوع دة" وقالت "أول يوم ماشوفتش

حاجة تانى يوم ماشوفتش حاجة تالت يوم بدات أشوف شوية بعينى الشمال."

*********************************************************

مرة واحدة قالت لجوزها "إهدى يا حبيبى كده وارجع زى زمان"، الراجل طلقها و رجع لأيام العزوبية

*********************************************************

مدرس رياضيات اتجوز مدرسة رياضيات خلفوا ولد شبه منحرف وبنت دايره على حل شعرها

*********************************************************

واحد بيقول لمراته ... أنا النهاردة عايز رومانسية فى البيت ... راحت الزوجة سألت أمها : يعنى إيه رومانسية ؟؟

الأم : مش عارفة بس احتياطى إنقعى الرز

*********************************************************

واحده وحشة بتقول لجوزها بكره عيد ميلادى . قالها نقف دقيقتين حداد

*********************************************************

مرة دكتور دخل عنبر فى سراية المجانين لقى واحد بيخبط دماغة فى الحيطة سأل الممرضة ماله ده ؟

قالت أصله كان بيحب واحدة ومتجوزهاش دخل العنبر الى بعده لقى واحد بيضرب نفسة بالشبشب

قالها وده ماله قالتله أصل ده اللي اتجوزها

*********************************************************
واحد أخنف حظه وحش قوي..وقع في حفره وفضل مستني لغاية ما واحد جه وعلى حظه كان أخنف برضه.. الأخنف اللي فوق قال ... استنى شوية .. حاطنّعك دنوأتي
قاله بسنعة .. قال له و كمان بتتنيأ ؟ طب شوف مين حيطنعكّ

*********************************************************

مرة واحد سكران راح قعد على البحر عدت عليه واحدة بيضة راح قال : يا حلو يا ابيض يا جميل بعد شوية عدت عليه واحدة تانية قال : يا حلو يا أبيض يا جميل بعد شوية عدت عليه واحدة سودة راح قال : وعدى الليل على مهلو على مهلو

********************************************************

مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته

*******************************************************

شاب اشترى ستلايت من وراء أهله ,. فقال لهم : ما حدا يطلع على السطح لاني اشتريت كلب كبير ومتوحش . طلع واحد من اهله مشان يستكشف الموضوع فنزل من السطح وهو عم يركض ويرتجف . سألوه اهله : شوفيت الكلب ؟؟ اجابهم : لأ .. بس شوفيت الصحن اللي بيوكل فيه
*********************************************************
مره المدرس سأل الاطفال فى الفصل الى يفتكر نفسه غبى يقف ... بعد شويه وقف تلميذ ...فساله المدرس و ليه بقه يا سيدي بتفتكر نفسك غبي ..فرد عليه التلميذ اصلي محبيتش اشوفك واقف لواحداك يا أستاذ
******************************************************
.واحد راح مطعم في فرنسا.كان عايز يطلب شربه قال للجرسون(جارسوه عايز واحد شوربوه) فالجرسون قاله باردون؟ قال الراجل لا سوخنوه